Редактирование: Лалита-сахасранама-стотра-пхаластути

'''Шри Лалита-сахасранама-стотра-пхаластути''' ({{lang-sa|श्री लालीता सहस्रनाम स्तोत्रम् फलास्थि}}, {{IAST|śrī lalitā sahasranāma stotraṃ phalāsthi}}) — часть Лалита-сахасранама-стотры. Так же может называться '''Шри Лалита-сахасранама-стотра-уттарабхага''' ({{lang-sa|श्री लालीता सहस्रनाम स्तोत्रम् उत्तरभाग}}, {{IAST|śrī lalitā sahasranāma stotraṃ uttarabhāga}}). Является завершающей частью стотры. '''Не читается во время ритуала''' — причина в том, что в состав [[Ритуальная литература индуизма|пхала-стути]] всегда входят лишь результаты чтения стотры.
 

----
 

{| width="100%"
|-
|- valign = "top"
| width="33%"|
| width="33%"|<center>[[Лалита-сахасранама]]</center>
| width="33%"|
|-
|- valign = "top"
| width="33%"|[[Лалита-сахасранама-стотра-пурвабхага|Шри Лалита-сахасранама-стотра-пурвабхага]]
| width="33%"|<center>[[Лалита 1000|Шри Лалита-сахасра-нама-стотра]]</center><br /><center>[[Лалита-1000-вали|Шри Лалита-сахасра-нама-стотра-вали]]</center>
| width="33%"|<p style="text-align:right;">[[Лалита-сахасранама-стотра-пхаластути|Шри Лалита-сахасранама-стотра-пхаластути]]</p>
|}

== Текст ==
<center>॥ फलश्रुतिः ॥<br />
'''.. phalaśrutiḥ ..'''</center>
 

इत्येन्नामसाहस्रं कथितं ते घतोद्भव ।<br />
रहस्यानां रहस्यं च ललिताप्रीतिदायकम् ॥ १ ॥<br />
ityennāmasāhasraṁ kathitaṁ te ghatodbhava .<br />
rahasyānāṁ rahasyaṁ ca lalitāprītidāyakam .. 1 ..

अनेन सदृशं स्तोत्रं न भूतं न भविष्यति ।<br />
सर्वरोगप्रशमनं सर्वसम्पत्प्रवर्धनम् ॥ २ ॥<br />
anena sadṛśaṁ stotraṁ na bhūtaṁ na bhaviṣyati .<br />
sarvarogapraśamanaṁ sarvasampatpravardhanam .. 2 ..

सर्वापमृत्युशमनं कालमृत्युनिवारणम् ।<br />
सरज्वरार्तिशमनं दीर्घायुष्यप्रदायकम् ॥ ३ ॥<br />
sarvāpamṛtyuśamanaṁ kālamṛtyunivāraṇam .<br />
sarajvarārtiśamanaṁ dīrghāyuṣyapradāyakam .. 3 ..

पुत्रप्रदमपुत्राणां प्रुषार्थप्रदायकम् ।<br />
इदं विशेषाच्छ्त्रीदेव्याः स्तोत्रं प्रीतिविधायकम् ॥ ४ ॥<br />
putrapradamaputrāṇāṁ pruṣārthapradāyakam .<br />
idaṁ viśeṣācchtrīdevyāḥ stotraṁ prītividhāyakam .. 4 ..

जपेन्नित्यं प्रयत्नेन ललितोपास्ति तत्परः ।<br />
प्रातः स्नात्वा विधानेन सन्ध्याकर्म समाप्य च ॥ ५ ॥<br />
japennityaṁ prayatnena lalitopāsti tatparaḥ . <br />
prātaḥ snātvā vidhānena sandhyākarma samāpya ca .. 5 ..

पूजागृहं ततो गत्वा चक्रराजं समर्चयेत् ।<br />
विद्यां जपेत्सहस्रं वा त्रिशतं शतमेव वा ॥ ६ ॥<br />
pūjāgṛhaṁ tato gatvā cakrarājaṁ samarcayet . <br />
vidyāṁ japetsahasraṁ vā triśataṁ śatameva vā .. 6 ..

रहस्यनामसाहस्रमिदं पश्चात्पठेन्नरः ।<br />
जममध्ये सकृच्चापि य एतत्पठते सुधीः ॥ ७ ॥<br />
rahasyanāmasāhasramidaṁ paścātpaṭhennaraḥ . <br />
jamamadhye sakṛccāpi ya etatpaṭhate sudhīḥ .. 7 ..

तस्यपुण्यफलं वक्ष्ये शृणु त्वं कुम्भसम्भव ।<br />
गङ्गादिसर्वतीर्थेषु यः स्नायात् कोटिजन्मसु ॥ ८ ॥<br />
tasyapuṇyaphalaṁ vakṣye śṛṇu tvaṁ kumbhasambhava . <br />
gaṅgādisarvatīrtheṣu yaḥ snāyāt koṭijanmasu .. 8 ..

कोटिलिङ्गप्रतिष्ठां च यः कुर्यादविमुक्तके ।<br />
कुरुक्षेत्रे तु यो दद्यात् कोटिवारं रविग्रहे ॥ ९ ॥<br />
koṭiliṅgapratiṣṭhāṁ ca yaḥ kuryādavimuktake . <br />
kurukṣetre tu yo dadyāt koṭivāraṁ ravigrahe .. 9 ..

कोटिं सुवर्णभाराणां श्रोत्रियेषु द्विजन्मसु ।<br />
यः कोटिं हयमेधानामाहरेद्गाङ्गरोधसि ॥ १० ॥<br />
koṭiṁ suvarṇabhārāṇāṁ śrotriyeṣu dvijanmasu . <br />
yaḥ koṭiṁ hayamedhānāmāharedgāṅgarodhasi .. 10 ..

आचरेत् कूपकोटीर्यो निर्जले मरुभूतले ।<br />
दुर्भिक्षे यः प्रतिदिनं कोटिब्राह्मणभोजनम् ॥ ११ ॥<br />
ācaret kūpakoṭīryo nirjale marubhūtale . <br />
durbhikṣe yaḥ pratidinaṁ koṭibrāhmaṇabhojanam .. 11 ..

श्रद्धया परया कुर्यात् सहस्रपरिवत्सरान् ।<br />
तत्पुण्यकोटिगुणितं भवेत् पुण्यमनुत्तमम् ॥ १२ ॥<br />
śraddhayā parayā kuryāt sahasraparivatsarān . <br />
tatpuṇyakoṭiguṇitaṁ bhavet puṇyamanuttamam .. 12 ..

रहस्यनामसाहस्रे नाम्नोऽप्येकस्य कीर्तनात् ।<br />
रहस्यनामसाहस्रे नामैकमपि यः पठेत् ॥ १३ ॥<br />
rahasyanāmasāhasre nāmno'pyekasya kīrtanāt . <br />
rahasyanāmasāhasre nāmaikamapi yaḥ paṭhet .. 13 ..

तस्य पापानि नश्यन्ति महान्त्यपि न संशयः ।<br />
नित्यकर्माननुष्ठानान्निषिद्धकरणादपि ॥ १४ ॥<br />
tasya pāpāni naśyanti mahāntyapi na saṁśayaḥ . <br />
nityakarmānanuṣṭhānānniṣiddhakaraṇādapi .. 14 ..

यत्पापं जायते पुंसां तत्सर्वं नश्यति ध्रुवम् ।<br />
बहुनाऽत्र किमुक्तेन शृणु त्वं कलशीसुत ॥ १५ ॥<br />
yatpāpaṁ jāyate puṁsāṁ tatsarvaṁ naśyati dhruvam . <br />
bahunā'tra kimuktena śṛṇu tvaṁ kalaśīsuta .. 15 ..

अत्रैकनाम्नो या शक्तिः पातकानां निवर्तने ।<br />
तन्निवर्त्यमघं कर्तुं नालं लोकाश्चतुर्दश ॥ १६ ॥<br />
atraikanāmno yā śaktiḥ pātakānāṁ nivartane . <br />
tannivartyamaghaṁ kartuṁ nālaṁ lokāścaturdaśa .. 16 ..

यस्त्यक्त्वा नामसाहस्रं पापहानिमभीप्सति ।<br />
स हि शीतनिवृत्त्यर्थं हिमशैलं निषेवते ॥ १७ ॥<br />
yastyaktvā nāmasāhasraṁ pāpahānimabhīpsati . <br />
sa hi śītanivṛttyarthaṁ himaśailaṁ niṣevate .. 17 ..

भक्तो यः कीर्तयेन्नित्यमिदं नामसहस्रकम् ।<br />
तस्मै श्रीललितादेवी प्रीताऽभीष्टं प्रयच्छति ॥ १८ ॥<br />
bhakto yaḥ kīrtayennityamidaṁ nāmasahasrakam . <br />
tasmai śrīlalitādevī prītā'bhīṣṭaṁ prayacchati .. 18 ..

अकीर्तयन्निदं स्तोत्रं कथं भक्तो भविष्यति ।<br />
नित्यं सङ्कीर्तनाशक्तः कीर्तयेत् पुण्यवासरे ॥ १९ ॥<br />
akīrtayannidaṁ stotraṁ kathaṁ bhakto bhaviṣyati . <br />
nityaṁ saṅkīrtanāśaktaḥ kīrtayet puṇyavāsare .. 19 ..

संक्रान्तौ विषुवे चैव स्वजन्मत्रितयेऽयने ।<br />
नवम्यां वा चतुर्दश्यां सितायां शुक्रवासरे ॥ २० ॥<br />
saṁkrāntau viṣuve caiva svajanmatritaye'yane . <br />
navamyāṁ vā caturdaśyāṁ sitāyāṁ śukravāsare .. 20 ..

कीर्तयेन्नामसाहस्रं पौर्णमास्यां विशेषतः ।<br />
पौर्णमास्यां चन्द्रबिम्बे ध्यात्वा श्रीललिताम्बिकाम् ॥ २१ ॥<br />
kīrtayennāmasāhasraṁ paurṇamāsyāṁ viśeṣataḥ . <br />
paurṇamāsyāṁ candrabimbe dhyātvā śrīlalitāmbikām .. 21 ..

पञ्चोपचारैः सम्पूज्य पठेन्नामसहस्रकम् ।<br />
सर्वे-रोगाः प्रणश्यन्ति दीर्घायुष्यं च विन्दति ॥ २२ ॥<br />
pañcopacāraiḥ sampūjya paṭhennāmasahasrakam . <br />
sarve-rogāḥ praṇaśyanti dīrghāyuṣyaṁ ca vindati .. 22 ..

अयमायुष्करो नाम प्रयोगः कल्पचोदितः ।<br />
ज्वरार्तं शिरसि स्पृष्ट्वा पठेन्नामसहस्रकम् ॥ २३ ॥<br />
ayamāyuṣkaro nāma prayogaḥ kalpacoditaḥ . <br />
jvarārtaṁ śirasi spṛṣṭvā paṭhennāmasahasrakam .. 23 ..

तत्क्षणात्प्रशमं याति शिरस्तोदो ज्वरोऽपि च ।<br />
सर्वव्याधिनिवृत्त्यर्थं स्पृष्ट्वा भस्म जपेदिदम् ॥ २४ ॥<br />
tatkṣaṇātpraśamaṁ yāti śirastodo jvaro'pi ca . <br />
sarvavyādhinivṛttyarthaṁ spṛṣṭvā bhasma japedidam .. 24 ..

तद्भस्मधारणादेव नश्यन्ति व्याधयः क्षणात् ।<br />
जलं संमन्त्र्य कुम्भस्थं नामसाहस्रतो मुने ॥ २५ ॥<br />
tadbhasmadhāraṇādeva naśyanti vyādhayaḥ kṣaṇāt . <br />
jalaṁ saṁmantrya kumbhasthaṁ nāmasāhasrato mune .. 25 ..

अभिषिञ्चेद्ग्रहग्रस्तान् ग्रहा नश्यन्ति तत्क्षणात् ।<br />
सुधासागरमध्यस्थां ध्यात्वा श्रीललिताम्बिकाम् ॥ २६ ॥<br />
abhiṣiñcedgrahagrastān grahā naśyanti tatkṣaṇāt . <br />
sudhāsāgaramadhyasthāṁ dhyātvā śrīlalitāmbikām .. 26 ..

यः पठेन्नामसाहस्रं विषं तस्य विनश्यति ।<br />
वन्ध्यानां पुत्रलाभाय नामसाहस्रमन्त्रितम् ॥ २७ ॥<br />
yaḥ paṭhennāmasāhasraṁ viṣaṁ tasya vinaśyati . <br />
vandhyānāṁ putralābhāya nāmasāhasramantritam .. 27 ..

नवनीतं प्रदद्यात्तु पुत्रलाभो भवेद्ध्रुवम् ।<br />
देव्याः पाशेन सम्बद्धामाकृष्टामङ्कुशेन च ॥ २८ ॥<br />
navanītaṁ pradadyāttu putralābho bhaveddhruvam . <br />
devyāḥ pāśena sambaddhāmākṛṣṭāmaṅkuśena ca .. 28 ..

ध्यात्वाऽभीष्टां स्त्रियं रात्रौ जपेन्नामसहस्रकम् ।<br />
आयाति स्वसमीपं सा यद्यप्यन्तः पुरं गता ॥ २९ ॥<br />
dhyātvā'bhīṣṭāṁ striyaṁ rātrau japennāmasahasrakam . <br />
āyāti svasamīpaṁ sā yadyapyantaḥ puraṁ gatā .. 29 ..

राजाकर्षणकामश्चेद्राजावसथदिङ्मुखः ।<br />
त्रिरात्रं यः पठेदेतच्छ्त्रीदेवीध्यानतत्परः ॥ ३० ॥<br />
rājākarṣaṇakāmaścedrājāvasathadiṅmukhaḥ . <br />
trirātraṁ yaḥ paṭhedetacchtrīdevīdhyānatatparaḥ .. 30 ..

स राजा पारवश्येन तुरङ्गं वा मतङ्गजम् ।<br />
आरुह्यायाति निकटं दासवत्प्रणिपत्य च ॥ ३१ ॥<br />
sa rājā pāravaśyena turaṅgaṁ vā mataṅgajam . <br />
āruhyāyāti nikaṭaṁ dāsavatpraṇipatya ca .. 31 ..

तस्मै राज्यं च कोशं च ददात्येव वशं गतः ।<br />
रहस्यनामसाहस्रं यः कीर्तयति नित्यशः ॥ ३२ ॥<br />
tasmai rājyaṁ ca kośaṁ ca dadātyeva vaśaṁ gataḥ . <br />
rahasyanāmasāhasraṁ yaḥ kīrtayati nityaśaḥ .. 32 ..

तन्मुखालोकमात्रेण मुह्येल्लोकत्रयं मुने ।<br />
यत्स्विदं नामसाहस्रं सकृत्पठति भक्तिमान् ॥ ३३ ॥<br />
tanmukhālokamātreṇa muhyellokatrayaṁ mune . <br />
yatsvidaṁ nāmasāhasraṁ sakṛtpaṭhati bhaktimān .. 33 ..

तस्य ये शत्रवस्तेषां निहन्ता श्रभेस्वरः ।<br />
यो वाऽभिचारं कुरुते नामसाहस्रपाठके ॥ ३४ ॥<br />
tasya ye śatravasteṣāṁ nihantā śrabhesvaraḥ . <br />
yo vā'bhicāraṁ kurute nāmasāhasrapāṭhake .. 34 ..

निवर्त्य तत्क्रियां हन्यात्तं वै प्रत्यङ्गिरा स्वयम् ।<br />
ये क्रूरदृष्ट्या वीक्षन्ते नामसाहस्रपाठकम् ॥ ३५ ॥<br />
nivartya tatkriyāṁ hanyāttaṁ vai pratyaṅgirā svayam . <br />
ye krūradṛṣṭyā vīkṣante nāmasāhasrapāṭhakam .. 35 ..

तानन्धान् कुरुते क्षिप्रं स्वयं मार्ताण्डभैरवः ।<br />
धनं यो हरते चोरैर्नामसाहस्रजापिनः ॥ ३६ ॥<br />
tānandhān kurute kṣipraṁ svayaṁ mārtāṇḍabhairavaḥ . <br />
dhanaṁ yo harate corairnāmasāhasrajāpinaḥ .. 36 ..

यत्र कुत्र स्थितं वाऽपि क्षेत्रपालो निहन्ति तम् ।<br />
विद्यासु कुरुते वादं यो विद्वान्नामजापिना ॥ ३७ ॥<br />
yatra kutra sthitaṁ vā'pi kṣetrapālo nihanti tam . <br />
vidyāsu kurute vādaṁ yo vidvānnāmajāpinā .. 37 ..

य वाक्स्तम्भनं सद्यः करोति नकुलेश्वरी ।<br />
यो राजा कुरुते वैरं नामसाहस्रजापिना ॥ ३८ ॥<br />
ya vākstambhanaṁ sadyaḥ karoti nakuleśvarī . <br />
yo rājā kurute vairaṁ nāmasāhasrajāpinā .. 38 ..

चतुरङ्गबलं तस्य दण्डिनी संहरेत् स्वयम् ।<br />
यः पठेन्नामसाहस्रं षण्मासं भक्तिसंयुतः ॥ ३९ ॥<br />
caturaṅgabalaṁ tasya daṇḍinī saṁharet svayam . <br />
yaḥ paṭhennāmasāhasraṁ ṣaṇmāsaṁ bhaktisaṁyutaḥ .. 39 ..

लक्ष्मीश्चान्चल्यरहिता सदा तिष्ठति तद्गृहे ।<br />
मासमेकं प्रतिदिनं त्रिवारं यः पठेन्नरः ॥ ४० ॥<br />
lakṣmīścāncalyarahitā sadā tiṣṭhati tadgṛhe . <br />
māsamekaṁ pratidinaṁ trivāraṁ yaḥ paṭhennaraḥ .. 40 ..

भारती तस्य जिह्वाग्रे रङ्गे नृत्यति नित्यशः ।<br />
यस्त्वेकवारं पठति पक्षमात्रमतन्द्रितः ॥ ४१ ॥<br />
bhāratī tasya jihvāgre raṅge nṛtyati nityaśaḥ . <br />
yastvekavāraṁ paṭhati pakṣamātramatandritaḥ .. 41 ..

मुह्यन्ति कामघशगा मृगाक्ष्यस्तस्य वीक्षणात् ।<br />
यः पठेन्नामसाहस्रं जन्ममध्ये सकृन्नरः ॥ ४२ ॥<br />
muhyanti kāmaghaśagā mṛgākṣyastasya vīkṣaṇāt . <br />
yaḥ paṭhennāmasāhasraṁ janmamadhye sakṛnnaraḥ .. 42 ..

तद्दृष्टिगोचराः सर्वे मुच्यन्ते सर्वकिल्बिषैः ।<br />
यो वेत्ति नामसाहस्रं तस्मै देयं द्विजन्मने ॥ ४३ ॥<br />
taddṛṣṭigocarāḥ sarve mucyante sarvakilbiṣaiḥ . <br />
yo vetti nāmasāhasraṁ tasmai deyaṁ dvijanmane .. 43 ..

अन्नं वस्त्रं धनं धान्यं नान्येभ्यस्तु कदाचन ।<br />
श्रीमन्त्रराजं यो वेत्ति श्रीचक्रं यः समर्चति ॥ ४४ ॥<br />
annaṁ vastraṁ dhanaṁ dhānyaṁ nānyebhyastu kadācana . <br />
śrīmantrarājaṁ yo vetti śrīcakraṁ yaḥ samarcati .. 44 ..

यः कीर्तयति नामानि तं सत्पात्रं विदुर्बुधाः ।<br />
तस्मै देयं प्रयत्नेन श्रीदेवीप्रीतिमिच्छता ॥ ४५ ॥<br />
yaḥ kīrtayati nāmāni taṁ satpātraṁ vidurbudhāḥ . <br />
tasmai deyaṁ prayatnena śrīdevīprītimicchatā .. 45 ..

न कीर्तयति नामानि मन्त्रराजं न वेत्ति यः ।<br />
पशुतुल्यः स विज्ञेयस्तस्मै दत्तं निरर्थकम् ॥ ४६ ॥<br />
na kīrtayati nāmāni mantrarājaṁ na vetti yaḥ . <br />
paśutulyaḥ sa vijñeyastasmai dattaṁ nirarthakam .. 46 ..

परीक्ष्य विद्याविदुषस्तेभ्यो दद्याद्विचक्षणः ।<br />
श्रीमन्त्रराजसदृशो यथा मन्त्रो न विद्यते ॥ ४७ ॥<br />
parīkṣya vidyāviduṣastebhyo dadyādvicakṣaṇaḥ . <br />
śrīmantrarājasadṛśo yathā mantro na vidyate .. 47 ..

देवता ललितातुल्या यथा नास्ति घटोद्भव ।<br />
रहस्यनामसाहस्रतुल्या नास्ति तथा स्तुतिः ॥ ४८ ॥<br />
devatā lalitātulyā yathā nāsti ghaṭodbhava . <br />
rahasyanāmasāhasratulyā nāsti tathā stutiḥ .. 48 ..

लिखित्वा पुस्तके यस्तु नामसाहस्रमुत्तमम् ।<br />
समर्चयेत् सदा भक्त्या तस्य तुष्यति सुन्दरी ॥ ४९ ॥<br />
likhitvā pustake yastu nāmasāhasramuttamam . <br />
samarcayet sadā bhaktyā tasya tuṣyati sundarī .. 49 ..

बहुनाऽत्र किमुक्तेन शृणु त्वं कुम्भसम्भव ।<br />
नानेन सदृशं स्तोत्रं सर्वतन्त्रेषु दृश्यते ॥ ५० ॥<br />
bahunā'tra kimuktena śṛṇu tvaṁ kumbhasambhava . <br />
nānena sadṛśaṁ stotraṁ sarvatantreṣu dṛśyate .. 50 ..

तस्मादुपासको नित्यं कीर्तयेदिदमादरात् ।<br />
एभिर्नामसहस्रैस्तु श्रीचक्रं योऽर्चयेत् सकृत् ॥ ५१ ॥<br />
tasmādupāsako nityaṁ kīrtayedidamādarāt . <br />
ebhirnāmasahasraistu śrīcakraṁ yo'rcayet sakṛt .. 51 ..

पद्मैर्वा तुलसीपुष्पैः कल्हारैर्वा कदम्बकैः ।<br />
चम्पकैर्जातिकुसुमैर्मल्लिकाकरवीरकैः ॥ ५२ ॥<br />
padmairvā tulasīpuṣpaiḥ kalhārairvā kadambakaiḥ . <br />
campakairjātikusumairmallikākaravīrakaiḥ .. 52 ..

उत्पलैर्बिल्वपत्रैर्वा कुन्दकेसरपाटलैः ।<br />
अन्यैः सुगन्धिकुसुमैः केतकीमाधवीमुखैः ॥ ५३ ॥<br />
utpalairbilvapatrairvā kundakesarapāṭalaiḥ . <br />
anyaiḥ sugandhikusumaiḥ ketakīmādhavīmukhaiḥ .. 53 ..

तस्य पुण्यफलं वक्तुं न शक्नोति महेश्वरः ।<br />
सा वेत्ति ललितादेवी स्वचक्रार्चनजं फलम् ॥ ५४ ॥<br />
tasya puṇyaphalaṁ vaktuṁ na śaknoti maheśvaraḥ . <br />
sā vetti lalitādevī svacakrārcanajaṁ phalam .. 54 ..

अन्ये कथं विजानीयुर्ब्रह्माद्याः स्वल्पमेधसः ।<br />
प्रतिमासं पौर्णमास्यामेभिर्नामसहस्रकैः ॥ ५५ ॥<br />
anye kathaṁ vijānīyurbrahmādyāḥ svalpamedhasaḥ . <br />
pratimāsaṁ paurṇamāsyāmebhirnāmasahasrakaiḥ .. 55 ..

रात्रौ यश्चक्रराजस्थामर्चयेत् परदेवताम् ।<br />
स एव ललितारूपस्तद्रूपा ललिता स्वयम् ॥ ५६ ॥<br />
rātrau yaścakrarājasthāmarcayet paradevatām . <br />
sa eva lalitārūpastadrūpā lalitā svayam .. 56 ..

न तयोर्विद्यते भेदो भेदकृत् पापकृद्भवेत् ।<br />
महानवम्यां यो भक्तः श्रीदेवीं चक्रमध्यगाम् ॥ ५७ ॥<br />
na tayorvidyate bhedo bhedakṛt pāpakṛdbhavet . <br />
mahānavamyāṁ yo bhaktaḥ śrīdevīṁ cakramadhyagām .. 57 ..

अर्चयेन्नामसाहस्रैस्तस्य मुक्तिः करे स्थिता ।<br />
यस्तु नामसहस्रेण शुक्रवारे समर्चयेत् ॥ ५८ ॥<br />
arcayennāmasāhasraistasya muktiḥ kare sthitā . <br />
yastu nāmasahasreṇa śukravāre samarcayet .. 58 ..

चक्रराजे महादेवीं तस्य पुण्यफलं शृणु ।<br />
सर्वान् कामानवाप्येह सर्वसौभाग्यसंयुतः ॥ ५९ ॥<br />
cakrarāje mahādevīṁ tasya puṇyaphalaṁ śṛṇu . <br />
sarvān kāmānavāpyeha sarvasaubhāgyasaṁyutaḥ .. 59 ..

पुत्रपौत्रादिसंयुक्तो भुक्त्वा भोगान् यथेप्सितान् ।<br />
अन्ते श्रीललितादेव्याः सायुज्यमतिदुर्लभम् ॥ ६० ॥<br />
putrapautrādisaṁyukto bhuktvā bhogān yathepsitān . <br />
ante śrīlalitādevyāḥ sāyujyamatidurlabham .. 60 ..

प्रार्थनीयं शिवाद्यैश्च प्राप्नोत्येव न संशयः ।<br />
यः सहस्रं ब्राहमणानामेभिर्नामसहस्रकैः ॥ ६१ ॥<br />
prārthanīyaṁ śivādyaiśca prāpnotyeva na saṁśayaḥ . <br />
yaḥ sahasraṁ brāhamaṇānāmebhirnāmasahasrakaiḥ .. 61 ..

समर्च्य भोजयेद्भक्त्या पायसापूपषड्रसैः ।<br />
तस्मै प्रीणाति ललिता स्वसाम्राज्यं प्रयच्छति ॥ ६२ ॥<br />
samarcya bhojayedbhaktyā pāyasāpūpaṣaḍrasaiḥ . <br />
tasmai prīṇāti lalitā svasāmrājyaṁ prayacchati .. 62 ..

न तस्य दुर्लभं वस्तु त्रिषु लोकेषु विद्यते ।<br />
निष्कामः कीर्तयेद्यस्तु नामसाहस्रमुत्तमम् ॥ ६३ ॥<br />
na tasya durlabhaṁ vastu triṣu lokeṣu vidyate . <br />
niṣkāmaḥ kīrtayedyastu nāmasāhasramuttamam .. 63 ..

ब्रह्मज्ञानमवाप्नोति येन मुच्यते बन्धनात् ।<br />
धनार्थी धनमाप्नोति यशोऽर्थी चाप्नुयाद्यशः ॥ ६४ ॥<br />
brahmajñānamavāpnoti yena mucyate bandhanāt . <br />
dhanārthī dhanamāpnoti yaśo'rthī cāpnuyādyaśaḥ .. 64 ..

विद्यार्थी चाप्नुयाद्विद्यां नामसाहस्रकीर्तनात् ।<br />
नानेन सदृशं स्तोत्रं भोगमोक्षप्रदं मुने ॥ ६५ ॥<br />
vidyārthī cāpnuyādvidyāṁ nāmasāhasrakīrtanāt . <br />
nānena sadṛśaṁ stotraṁ bhogamokṣapradaṁ mune .. 65 ..

कीर्तनीयमिदं तस्माद्भोगमोक्षार्थिभिर्नरैः ।<br />
चतुराश्रमनिष्ठैश्च कीर्तनीयमिदं सदा ॥ ६६ ॥<br />
kīrtanīyamidaṁ tasmādbhogamokṣārthibhirnaraiḥ . <br />
caturāśramaniṣṭhaiśca kīrtanīyamidaṁ sadā .. 66 ..

स्वधर्मसमनुष्ठानवैकल्यपरिपूर्तये ।<br />
कलौ पापैकबहुले धर्मानुष्ठानवर्जिते ॥ ६७ ॥<br />
svadharmasamanuṣṭhānavaikalyaparipūrtaye . <br />
kalau pāpaikabahule dharmānuṣṭhānavarjite .. 67 ..

नामसङ्कीर्तनं मुक्त्वा नृणां नान्यत् परायणम् ।<br />
लौकिकाद्वचनान्मुख्यं विष्णुनामानुकीर्तनम् ॥ ६८ ॥<br />
nāmasaṅkīrtanaṁ muktvā nṛṇāṁ nānyat parāyaṇam . <br />
laukikādvacanānmukhyaṁ viṣṇunāmānukīrtanam .. 68 ..

विष्णुनामसहस्राश्च शिवनामैकमुत्तमम् ।<br />
शिवनामसहस्राश्च देव्या नामैकमुत्तमम् ॥ ६९ ॥<br />
viṣṇunāmasahasrāśca śivanāmaikamuttamam . <br />
śivanāmasahasrāśca devyā nāmaikamuttamam .. 69 ..

देवीनामसहस्राणि कोटिशः सन्ति कुम्भज ।<br />
तेषु मुख्यं दशविधं नामसाहस्रमुच्यते ॥ ७० ॥<br />
devīnāmasahasrāṇi koṭiśaḥ santi kumbhaja . <br />
teṣu mukhyaṁ daśavidhaṁ nāmasāhasramucyate .. 70 ..

रहस्यनामसाहस्रमिदं शस्तं दशस्वपि ।<br />
तस्मात् सङ्कीर्तयेन्नित्यं कलिदोषनिवृत्तये ॥ ७१ ॥<br />
rahasyanāmasāhasramidaṁ śastaṁ daśasvapi . <br />
tasmāt saṅkīrtayennityaṁ kalidoṣanivṛttaye .. 71 ..

मुख्यं श्रीमातृनामेति न जानन्ति विमोहिताः ।<br />
विष्णुनामपराः केचिच्छिवनामपराः परे ॥ ७२ ॥<br />
mukhyaṁ śrīmātṛnāmeti na jānanti vimohitāḥ . <br />
viṣṇunāmaparāḥ kecicchivanāmaparāḥ pare .. 72 ..

न कश्चिदपि लोकेषु ललितानामतत्परः ।<br />
येनान्यदेवतानाम कीर्तितं जन्मकोटिषु ॥ ७३ ॥<br />
na kaścidapi lokeṣu lalitānāmatatparaḥ . <br />
yenānyadevatānāma kīrtitaṁ janmakoṭiṣu .. 73 ..

तस्यैव भवति श्रद्धा श्रीदेवीनामकीर्तने ।<br />
चरमे जन्मनि यथा श्रीविद्योपासको भवेत् ॥ ७४ ॥<br />
tasyaiva bhavati śraddhā śrīdevīnāmakīrtane . <br />
carame janmani yathā śrīvidyopāsako bhavet .. 74 ..

नामसाहस्रपाठश्च तथा चरमजन्मनि ।<br />
यथैव विरला लोके श्रीविद्याचारवेदिनः ॥ ७५ ॥<br />
nāmasāhasrapāṭhaśca tathā caramajanmani . <br />
yathaiva viralā loke śrīvidyācāravedinaḥ .. 75 ..

तथैव विरला गुह्यनामसाहस्रपाठकाः ।<br />
मन्त्रराजजपश्चैव चक्रराजार्चनं तथा ॥ ७६ ॥<br />
tathaiva viralā guhyanāmasāhasrapāṭhakāḥ . <br />
mantrarājajapaścaiva cakrarājārcanaṁ tathā .. 76 ..

रहस्यनामपाठश्च नाल्पस्य तपसः फलम् ।<br />
अपठन्नामसाहस्रं प्रीणयेद्यो महेश्वरीम् ॥ ७७ ॥<br />
rahasyanāmapāṭhaśca nālpasya tapasaḥ phalam . <br />
apaṭhannāmasāhasraṁ prīṇayedyo maheśvarīm .. 77 ..

स चक्षुषा विना रूपं पश्येदेव विमूढधीः ।<br />
रहस्यनामसाहस्रं त्यक्त्वा यः सिद्धिकामुकः ॥ ७८ ॥<br />
sa cakṣuṣā vinā rūpaṁ paśyedeva vimūḍhadhīḥ . <br />
rahasyanāmasāhasraṁ tyaktvā yaḥ siddhikāmukaḥ .. 78 ..

स भोजनं विना नूनं क्षुन्निवृत्तिमभीप्सति ।<br />
यो भक्तो ललितादेव्याः स नित्यं कीर्तयेदिदम् ॥ ७९ ॥<br />
sa bhojanaṁ vinā nūnaṁ kṣunnivṛttimabhīpsati . <br />
yo bhakto lalitādevyāḥ sa nityaṁ kīrtayedidam .. 79 ..

नान्यथा प्रीयते देवी कल्पकोटिशतैरपि ।<br />
रस्माद्रहस्यनामानि श्रीमातुः प्रयतः पठेत् ॥ ८० ॥<br />
nānyathā prīyate devī kalpakoṭiśatairapi . <br />
rasmādrahasyanāmāni śrīmātuḥ prayataḥ paṭhet .. 80 ..

इति ते कथितं स्तोत्रं रहस्यं कुम्भसम्भव ।<br />
नाविद्यावेदिने ब्रूयान्नाभक्ताय कदाचन ॥ ८१ ॥<br />
iti te kathitaṁ stotraṁ rahasyaṁ kumbhasambhava . <br />
nāvidyāvedine brūyānnābhaktāya kadācana .. 81 ..

यथैव गोप्या श्रीविद्या तथा गोप्यमिदं मुने ।<br />
पशुतुल्येषु न ब्रूयाज्जनेषु स्तोत्रमुत्तमम् ॥ ८२ ॥<br />
yathaiva gopyā śrīvidyā tathā gopyamidaṁ mune . <br />
paśutulyeṣu na brūyājjaneṣu stotramuttamam .. 82 ..

यो ददाति विमूढात्मा श्रीविद्यारहिताय च ।<br />
तस्मै कुप्यन्ति योगिन्यः सोऽनर्थः सुमहान् स्मृतः ॥ ८३ ॥<br />
yo dadāti vimūḍhātmā śrīvidyārahitāya ca . <br />
tasmai kupyanti yoginyaḥ so'narthaḥ sumahān smṛtaḥ .. 83 ..

रहस्यनामसाहस्रं तस्मात् सङ्गोपयेदिदम् ।<br />
स्वतन्त्रेण मया नोक्तं तवापि कलशीसुत ॥ ८४ ॥<br />
rahasyanāmasāhasraṁ tasmāt saṅgopayedidam . <br />
svatantreṇa mayā noktaṁ tavāpi kalaśīsuta .. 84 ..

ललिताप्रेरणेनैव मयोक्तं स्तोत्रमुत्तमम् ।<br />
कीर्तनीयमिदं भक्त्या कुम्भयोने निरन्तरम् ॥ ८५ ॥<br />
lalitāpreraṇenaiva mayoktaṁ stotramuttamam . <br />
kīrtanīyamidaṁ bhaktyā kumbhayone nirantaram .. 85 ..

तेन तुष्टा महादेवी तवाभीष्टं प्रदास्यति ।<br />
श्रीसूत उवाच ।<br />
इत्युक्त्वा श्रीहयग्रीवो ध्यात्वा श्रीललिताम्बिकाम् ॥ ८६ ॥<br />
आनन्दमग्नहृदयः सद्यः पुलकितोऽभवत् ॥ ८७ ॥<br />
tena tuṣṭā mahādevī tavābhīṣṭaṁ pradāsyati . <br />
śrīsūta uvāca . <br />
ityuktvā śrīhayagrīvo dhyātvā śrīlalitāmbikām .. 86 .. <br />
ānandamagnahṛdayaḥ sadyaḥ pulakito'bhavat .. 87 ..
 

<center>॥ इति श्रीब्रह्माण्डपुराणे उत्तरखण्डे श्रीहयग्रीवागस्त्य संवादे श्रीललितानामसहस्रफलनिरूपणं सम्पूर्णम् ॥<br />
'''.. iti śrībrahmāṇḍapurāṇe uttarakhaṇḍe śrīhayagrīvāgastya saṁvāde śrīlalitānāmasahasraphalanirūpaṇaṁ sampūrṇam ..'''</center>
 
----
{| width="100%"
|-
|- valign = "top"
| width="33%"|
| width="33%"|<center>[[Лалита-сахасранама]]</center>
| width="33%"|
|-
|- valign = "top"
| width="33%"|[[Лалита-сахасранама-стотра-пурвабхага|Шри Лалита-сахасранама-стотра-пурвабхага]]
| width="33%"|<center>[[Лалита 1000|Шри Лалита-сахасра-нама-стотра]]</center><br /><center>[[Лалита-1000-вали|Шри Лалита-сахасра-нама-стотра-вали]]</center>
| width="33%"|<p style="text-align:right;">[[Лалита-сахасранама-стотра-пхаластути|Шри Лалита-сахасранама-стотра-пхаластути]]</p>
|}

== Примечания ==
{{примечания}}

[[Категория:Брахманда-пурана]]
[[Категория:Гимны к Деви]]
[[Категория:Сахасранама]]
[[Категория:Неизвестный переводчик]]
[[Категория:Ознакомительное]]
[[Категория:Все гимны]]

{{Пураны}}